30.08.2026 | 12:31
Վթարային ջրանջատում Քաղաքեռ Զեյթունում
Իշխանության ձախողման դեպքում հնարավոր է՝ պետականությամբ վճարենք. Արման Բաբաջանյան. ՏԵՍԱՆՅՈՒԹ
Քաղաքականություն
19.05.2020 | 20:31
«Իշխանությունն այս էլ որերորդ անգամ, չհավատալով իր մանդատի ուժին, դիմել էր ժողովրդին»,- խոսելով Սահմանադրական դատարանի հարցով հանրաքվե նախաձեռնելու մասին՝ այս տեսակետը հայտնեց անկախ պատգամավոր Արման Բաբաջանյանը։
Պատգամավորն ընդունելի է համարում այժմ՝ համավարակի պայմաններում, ԱԺ-ի միջոցով ՍԴ հարցը լուծելու տարբերակը։
Արձագանքելով ընդդիմախոս տարբեր շրջանակների՝ իշխանության հասցեին հնչող մեղադրանքներին և պնդումներին, թե գործող իշխանությունը հրաժարական է ներկայացնելու, Բաբաջանյանն ասաց, որ դրանք դատարկ խոսակցություններ են։
Նա վստահ է՝ հիմք չկա եզրահանգելու, թե իշխանությունը հրաժարական պետք է տա։ Պատգամավորը շեշտեց, որ հիմա մեդիահարձակումներ են իշխանության դեմ, դրանք տարերային բնույթ ունեն։
«Հույս ունեմ որ իշխանության դեմ մեդիա հարձակումների հեղինակները կանգ կառնեն։ Իշխանության ձախողման դեպքում հնարավոր է՝ պետականությամբ վճարենք»,- շեշտեց Բաբաջանյանը։
Մանրամասները՝ տեսանյութում:
Մերի Մարտիրոսյան
