07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Պուտինը և Էրդողանը քննարկել են Ղարաբաղի հարցը. թուրքական ԶԼՄ
Քաղաքականություն
15.11.2017 | 20:04
Նոյեմբերի 13-ին Սոչիում Թուրքիայի և Ռուսաստանի նախագահների միջև կայացած հանդիպման ժամանակ կողմերը քննարկել են ղարաբաղյան հակամարտության կարգավորման հարցը:
Այդ մասին հայտնվում է թուրքական «Dünya Bülteni» լրատվական կայքում տեղ գտած վերլուծական հոդվածում՝ նվիրված Պուտին-Էրդողան հանդիպմանը. փոխանցում է EH-ն:
Նշվում է, որ երկու նախագահները մամուլի ասուլիսի ժամանակ խոսեցին ոչ բոլոր հարցերի մասին, որոնք անշուշտ արծարծվել էին հանդիպման ժամանակ:
Մասնավորապես, այդ հարցերից էր ղարաբաղյան հակամարտության խնդիրը:
«Հանդիպման ընթացքում երկու նախագահները շեշտել են, որ Լեռնային Ղարաբաղի հիմնախնդրի կարգավորման աշխատանքերը պետք է ակտիվացվեն: Այդ առումով պատահական չի որ նոյեմբերի 15-ին Հայաստանի Հանրապետության նախագահ Սերժ Սարգսյանը աշխատանքային այցով մեկնում է Ռուսաստան»,-ասվում է հոդվածում:
Հիշեցնենք, որ ավելի վաղ Էրդողանն էլ նշել էր, որ ղարաբաղի հարցը անպայման քննարկելու է Պուտինի հետ:
