20.01.2026 | 17:27
Դուք, ձեր խմբակցությունը, ձեր բռնապետիկը․ Վահագն Ալեքսանյանը՝ Արմենուհի Կյուրեղյանին․ ՏԵՍԱՆՅՈՒԹ
Լեհաստանում նախագահական ընտրությունները պետք է անցկացվեն հունիսի 28-ին. Դվորչիկ. ՏԵՍԱՆՅՈՒԹ
Քաղաքականություն
19.05.2020 | 20:46
Լեհաստանի վարչապետի աշխատակազմի ղեկավար Միխալ Դվորչիկը հայտարարել է, որ նախագահական ընտրությունները երկրում պետք է տեղի ունենան հունիսի 28-ին: Այս մասին տեղեկացնում է «Լեհական ռադիո»-ն:
Նրա խոսքով՝ սա առավելագույն ժամկետն է, որը երաշխավորում է, որ նախագահ Անջեյ Դուդայի լիազորությունների ժամկետի ավարտից հետո Լեհաստանն առանց նախագահի չի մնա:
«Այս ժամկետից ուշ ընտրությունների անցկացումը կնշանակր, որ օգոստոսի 6-ից հետո Լեհաստանն ընտրված նախագահ չի ունենա: Այս կապակցությամբ ես հավատում եմ պետականամետ դիրքորոշման հաղթանակին և նրան, որ «Քաղաքացիական հարթակի» սենատորները չեն տրվի քաղաքական խաղեր խաղալու գայթակղությանը, և որ Սենատում գտնվող օրենքը համապատասխան կերպով կդիտարկվի»,- նշել է Միխալ Դվորչիկը:
Նշենք, որ այսօր Սենատում տեղի է ունենալու խմբակցությունների ներկայացուցիչների հանդիպումը նախագահական ընտրությունների հարցով, իսկ արդեն մայիսի 22-ին համապատասխան օրենքը կներկայացվի Սենատի հանձնաժողովների դիտարկմանը:
