19.09.2026 | 20:00
«Հայաստան այցս հետաձգվում է ֆիզիկական սպառնալիքի մասին նախազգուշացման պատճառով»․ ռուս ընդդիմադիր գործիչ
ԵՏՄ-ում Կուբային դիտորդի կարգավիճակ տրամադրելու հարցով լրացուցիչ խորհրդակցություններ կանցկացվեն
Քաղաքականություն
19.05.2020 | 16:58
Եվրասիական տնտեսական միության (ԵՏՄ) անդամ պետությունները Կուբայի հետ լրացուցիչ խորհրդակցություններ կանցկացնեն՝ այդ երկրին դիտորդի կարգավիճակ տրամադրելուց առաջ: Նման որոշում է կայացվել Եվրասիական տնտեսական բարձրագույն խորհրդի՝ տեսակոնֆերանսի ռեժիմով այսօր անցկացված նիստին, գրում է belta.by-ն:
ԵՏՀ կոլեգիայի նախագահ Միխայիլ Մյասնիկովիչը նիստի ժամանակ նշել է, որ Կուբան շատ մեծ հետաքրքրություն է ցուցաբերում ԵՏՄ-ի հետ համագործակցության հարցում՝ գրեթե միության ստեղծման պահից: 2018 թվականից Կուբայի կառավարությունը ԵՏՀ-ի հետ համագործակցում է փոխըմբռնման հուշագրի հիման վրա: Եվրասիական տնտեսական հանձնաժողովում այս երկրին դիտորդի կարգավիճակ տրամադրելու հարցը քննարկվել է արդեն երկու անգամ:
«Բելառուսը, Ղրղզստանը և Հայաստանը համաձայն են դիտորդի կարգավիճակ տրամադրել Կուբային: Ղազախստանը կողմ է հավելյալ խորհրդակցություններին: Ռուսաստանը ևս առաջարկել է խորհրդակցություններ անցկացնել՝ բոլոր ասպեկտները հստակեցնելու համար»,- ասել է Մյասնիկովիչը:
