13.07.2026 | 14:30
Ալիևը դժգոհել է, որ Հայաստանը որպես գլխավոր տրանսպորտային հանգույց է ներկայացվում
Կրակոցներ և դանակահարություն Դավիթաշենում. 2 անձ հիվանդանոց է տեղափոխվել
Հասարակություն
17.05.2020 | 20:08
Երևանի Դավիթաշեն վարչական շրջանի 4-րդ թաղամասում՝ «Նոր Զովք» առևտրի կենտրոնի մոտ, այսօր կրակոցներ են հնչել: Այս մասին հայտնում է Shamshyan.com-ը։
Աղբյուրի փոխանցմամբ՝ դանակահարված 2 անձ հիվանդանոց է տեղափոխվել:
Ոստիկանությունը ահազանգը ստացել է Ժամը 02:10-ի սահմանում։ Ժամը 03:40-ի սահմաններում «Արմենիա» բժշկական կենտրոնից ոստիկանության Մաշտոցի բաժին ահազանգ է ստացվել, որ որովայնի շրջանում կտրած-ծակած վերք ախտորոշմամբ իրենց մոտ են տեղափոխվել 2 քաղաքացի:
Ոստիկաններն ու քննիչները պարզել են, որ տուժածներն են Երևան քաղաքի բնակիչներ՝ 24-ամյա Միքայել Մ.-ն և 40-ամյա Էդգար Ն.-ն:
Փաստի առիթով Աջափնյակ և Դավիթաշեն վարչական շրջանների քննչական բաժնում նյութեր են նախապատրաստվում: Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ դեպքի հանգամանքները պարզելու, կատարողին կամ կատարողներին և հանցագործության գործիք առարկան հայտնաբերելու ուղղությամբ:
