19.09.2026 | 16:22
Երևանում կանցկացվի բժշկական զբոսաշրջության գլոբալ համաժողով
Նեթանյահուն հայտարարել է, որ պաղեստինյան տարածքները բռնակցելու ժամանակն է
Քաղաքականություն
17.05.2020 | 19:19
Իսրայելի վարչապետ Բենիամին Նեթանյահուն այսօր Կնեսետում ունեցած ելույթում կարծիք է հայտնել, որ ժամանակն է բռնակցել Հորդանան գետի Արևմտյան ափի և Հորդանանյան դաշտի պաղեստինյան տարածքները: Այս մասին գրում է ՏԱՍՍ-ը:
«Ահա ճշմարտությունը. այդ տարածքներում է հրեա ժողովուրդն ի հայտ եկել և զարգացել: Ժամանակն է դրանց վրա տարածել իսրայելական ինքնիշխանությունն ու ևս մեկ փառավոր գլուխ գրել սիոնիզմի պատմության մեջ»,- ասել է նա:
Նշենք, որ Կնեսետում վարչապետը ներկայացրել է Իսրայելի 35-րդ նախարարական կաբինետը, որը ձևավորվել է Բենիամին Նեթանյահուի «Լիքուդ» և իսրայելական բանակի Գլխավոր շտաբի նախկին ղեկավար Բենի Գանցի «Կախոլ-Լավան» կուսակցությունների միջև կոալիցիոն համաձայնության արդյունքում: Փաստաթղթի համաձայն՝ Իսրայելի վարչապետը 18 ամիսը մեկ պարբերականությամբ լինելու են Նեթանյահուն և Գանցը:
Նոր կառավարությունում 36 նախարարական պորտֆել կա: Այսպիսով, այս կաբինետն ամենախոշորն է Իսրայելի պատմության մեջ:
