19.09.2026 | 16:22
Երևանում կանցկացվի բժշկական զբոսաշրջության գլոբալ համաժողով
ԱՄՆ-ը ծրագրում է զարկ տալ բժշկական պարագաների արտադրությանը
Քաղաքականություն
17.05.2020 | 16:17
ԱՄՆ-ի նախագահը ծրագրում է մինչեւ 2021թվականի հունվար ամիսը երկրի համար ապահովել կորոնավիրուսի մի քանի հարյուր միլիոն թեստավորման նմուշառում: Նրա խոսքերով, այս գործողությունը ստացել է «Լույսի արագություն» անվանումը:
Առողջապահության համակարգի փորձագետներն ասում են, թե սա շատ հավակնոտ ժամանակացույց է, եւ նշում են նախ եւ առաջ ամենախոցելի շերտում թեստավորմանը զարկ տալու կարեւորությունը: Ինչպես նրանցից Անանդ Փարեխն է ասում, «Ամեն ինչ կարող է գերազանց ընթանալ այս ուղղությամբ: Ինչ վերաբերում է բոլորին թեստավորման ենթարկելու խնդրին, կարծում եմ այն հնարավոր կդառնա 18 ամիսների ընթացքում»:
Իսկ քանի որ հեռու չեն նոյեմբերյան ընտրությունները, Թրամփը նաեւ իր ուշադրությունը կենտրոնացնում է երկրի տնտեսությունը վերաբացելու հարցի վրա: «Լինի պատվաստանյութ, թե`չլինի, մենք բացելու ենք: Արդեն գործընթացը սկսել ենք», ասել է Թրամփն ու ավելացրել, թե շատ այլ դեպքերում եւս, երբ չեն լինում պատվաստանյութեր տարբեր վիրուսների կամ գրիպի տեսակների համար, պայքարն այդ հիվանդությունների դեմ շարունակվում է:
