19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Գրետա Թունբերգը 100 հազար դոլար կհատկացնի կորոնավիրուսի դեմ պայքարին
Քաղաքականություն
15.05.2020 | 21:33
Կլիմայի փոփոխության դեմ պայքարող շվեդ ակտիվիստ Գրետա Թունբերգը կորոնավիրուսի դեմ պայքարում ՅՈՒՆԻՍԵՖ-ին 100 հազար դոլար կփոխանցի։ Այս մասին հայտնում է շվեդական expressen պարբերականը՝ հղում անելով CNN-ի հրապարակած տեսանյութին, որտեղ նա մանրամասնում է իր նախաձեռնությունը։
«Խոսում ենք ձեռքերը լվանալու և տանը մնալու մասին, մինչդեռ աշխարհում շատերը մաքուր ջուր կամ օճաո չունեն։ Նրանք գուցե տուն էլ չունեն, որտեղ կարող են մնալ։ Այդ իսկ պատճառով մենք պետք է օգնենք նրանց, ովքեր այս ճգնաժամի մեջ ամենախոցելին են»,- CNN-ին տված հարցազրույցում նշել է Գրետան։
Հավելենք, որ կորոնավիրուսի եմ պայքարին նվիրաբերած 100 հազար դոլարը 17-ամյա ակտիվիստը ստացել էր նախորդ ամիս՝ ապրիլի 22-ին՝ Երկիր մոլորակի օրը։ Նրան պարգևատրել էր “Human Act” դանիական կազմակերպությունը՝ կլիմայի փոփոխությանը վերաբերող խնդիրների շուրջ ակտիվ գործունեության համար։
Նելլի Մելքոնյան
