11.06.2026 | 13:44
Փաշինյանը` «եթե ՔՊ-ն սահմանադրական մեծամասնություն չլինի, պատերազմ կլինի» արտահայտության մասին․ ՏԵՍԱՆՅՈՒԹ
Թրամփը սպառնացել է ամբողջությամբ խզել ԱՄՆ-Չինաստան հարաբերությունները
Քաղաքականություն
15.05.2020 | 19:19
ԱՄՆ նախագահ Դոնալդ Թրամփը սպառնացել է ամբողջությամբ խզել ԱՄՆ-ի և Չինաստանի հարաբերությունները: Այս մասին նա հայտարարել է Fox Business հեռուստաալիքի եթերում, գրում է DW-ի ռուսական ծառայությունը:
Լրագրողը հետաքրքրվել է, թե ինչ է մտածում նախագահը չինացի ուսանողներին մուտքի արտոնագիր չտրամադրելու առաջարկի մասին, ինչին ի պատասխան՝ Թրամփն ասել է, որ կարող են ընդհանրապես խզել բոլոր հարաբերությունները:
«Մենք կարող ենք շատ բան անել, կարող ենք ընդհանրապես խզել բոլոր հարաբերությունները: Եվ ի՞նչ կլինի այդ ժամանակ: Մենք 500 մլրդ դոլար կտնտեսենք»,- ասել է նա:
Այս գումարը համարժեք է ԱՄՆ չինական արտահանման ծավալին, ինչը Թրամփը «կորած փող» է կոչել: Նա հավելել է, որ առայժմ չի ցանկանում շփվել Չինաստանի ղեկավար Սի Ձինպինի հետ՝ շեշտելով, որ մտադիր չէ վերականգնել Չինաստանի հետ առևտրային գործարքի շուրջ բանակցությունները:
Համաձայնագիրը վերանայելու հարցն առաջացավ չինական պետական Global Times պարբերականի հրապարակումից հետո այն մասին, որ չինական իշխանությունների խորհրդատուները պնդում են ԱՄՆ-ի հետ այդ հարցով բանակցությունները վերականգնելու հարցում: Նրանց կարծիքով՝ կորոնավիրուսի համաճարակի ընթացքում ԱՄՆ-ն բավական թուլացել է և այլևս չի կարող իրեն Չինաստանի հետ առևտրային պատերազմ թույլ տալ:
Աղբյուրը հիշեցնում է, որ շուրջ մեկուկես տարի տևած առևտրային պատերազմից հետո հունվարի 15-ին Չինաստանն ու ԱՄՆ-ն համաձայնագիր ստորագրեցին:
