12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Սլովենիան հաղթահարել է կորոնավիրուսը. վարչապետ
Քաղաքականություն
15.05.2020 | 16:14
Սլովենիան դարձել է կորոնավիրուսը հաղթահարած եվրոպական առաջին երկիրը: Վարչապետ Յանեզ Յանշան հայտարարել է երկրի տարածքում համաճարակի ավարտի մասին: Այս մասին գրում է ՏԱՍՍ-ը՝ վկայակոչելով AFP-ն:
«Սլովենիայում լավագույն կլինիկական իրավիճակն է ամբողջ Եվրոպայում, ինչը մեզ թույլ է տալիս հայտարարեց համաճարակի ավարտի մասին»,- ասել է վարչապետը:
Այս երկրում կորոնավիրուսի համաճարակ է հայտարարվել մարտի 12-ին, իսկ արդեն մարտի 16-ին կարանտինային ռեժիմ է սահմանվել:
Կառավարության որոշմամբ՝ Սլովենիան կբացի սահմանները Եվրամիության բոլոր քաղաքացիների համար, իսկ այլ տարածաշրջանների բնակիչները կարանտին կանցնեն: Մի շարք սահմանափակումներ, սակայն, երկրում կպահպանվեն: Մասնավորապես, կարգելվեն բազմամարդ հավաքները, կպահպանվի դիմակ կրելու և սոցիալական հեռավորություն պահելու պահանջը:
Կորոնավիրուսի վարակի առաջին դեպքը Սլովենիայում արձանագրվել է մարտի 4-ին: Մինչ այժմ երկրում 1.464 վարակակիր է գրանցվել, 103 մարդ մահացել է: Վարակվածների մեծ մասն ինքնամեկուսացած է բնակության վայրում, հոսպիտալացվում են միայն ծանր ախտանշաններով հիվանդները:
