19.09.2026 | 16:22
Երևանում կանցկացվի բժշկական զբոսաշրջության գլոբալ համաժողով
ԱՄՆ-ն պետք է վերջ տա պետական ահաբեկչությանը. Իրանի ԱԳՆ
Քաղաքականություն
14.05.2020 | 16:26
ԱՄՆ-ն պետք է վերջ դնի պետական ահաբեկչությանը: Այս մասին հայտարարել է Իրանի ԱԳՆ պաշտոնական ներկայացուցիչ Աբբաս Մուսավին՝ ի պատասխան ամերիկյան Պետքարտուղարության հայտարարությանը, թե Իրանն ահաբեկչության դեմ պայքարում չի համագործակցում ԱՄՆ-ի հետ, գրում է ԻՌՆԱ-ն:
«Ահաբեկչական խմբավորումներ ստեղծելու, ֆինանսավորելու և զինելու, պետական ահաբեկչություն օգտագործելու և բացահայտորեն ահաբեկչական այլ ռեժիմի սատարելու իր պատմությամբ ԱՄՆ-ն հակաահաբեկչական ջանքերը գնահատելու լավ կետ չէ»,- հայտարարել է Մուսավին:
Նշենք, որ ԱՄՆ Պետքարտուղարությունն ավելի վաղ հաղորդագրություն էր հրապարակել, որում նշվում է, թե Վենեսուելան, Իրանը, Հյուսիսային Կորեան, Կուբան և Սիրիան ներառվել են այն երկրների ցանկում, որոնք Վաշինգտոնի հետ բավարար չափով չեն համագործակցում ահաբեկչության դեմ պայքարում: Որպես հիմնավորում՝ Պետքարտուղարությունը հիշատակել է, մասնավորապես, Իրանի կապերը շիական «Հըզբալլահ» կազմակերպության և «Քաթաիբ Հըզբալլահ» խմբավորման հետ:
