17.06.2026 | 01:30
ԱԱ-2026․ Ֆրանսիան մեկնարկեց հաղթանակով, Մբապեի դուբլը. ՏԵՍԱՆՅՈՒԹ
Արցախյան հիմնախնդրի վերաբերյալ ունենք հստակ ռազմավարական ծրագիր. Արայիկ Հարությունյան
Քաղաքականություն
13.05.2020 | 19:25
Որևէ զիջում չի լինելու, մեր բոլոր քայլերի հիմքում ինքնորոշման և անվտանգության տրամաբանությունն է: «Արցախպրես»-ի հաղորդմամբ՝ այս մասին այսօր Շուշիի մշակույթի պալատում կայացած «Ազատ հայրենիք-ՔՄԴ» կուսակցությունների դաշինքի արտահերթ ընդլայնված նիստին ասել է Արցախի Հանրապետության նորընտիր նախագահ Արայիկ Հարությունյանը:
Նրա խոսքով՝ ՀՀ Անվտանգության խորհրդի քարտուղար Արմեն Գրիգորյանի հետ օրեր առաջ հանդիպել և քննարկել են հարավային թևի զարգացման ծրագիրը՝ սկսած ենթակառուցվածքներից, ճանապարհներից, ոռոգման համակարգերից մինչև վերաբնակեցում:
«Կրկին վստահեցնում եմ, որ Արցախյան հիմնախնդրի վերաբերյալ ունենք հստակ ռազմավարական ծրագիր, որը նախատեսում ենք կյանքի կոչել հունիսի 1-ից»,- ասել է Արայիկ Հարությունյանը:
