04.08.2026 | 09:18
Նիկոլ Փաշինյանն աշխարհի առաջատար համալսարանների շրջանավարտներից մի քանիսին բարձր պաշտոններում է նշանակել
Instagram-ը փակել է Ռամզան Կադիրովի էջը. Facebook-ում նշել են պատճառը
Քաղաքականություն
13.05.2020 | 18:03
Instagram-ն արգելափակել է սոցցանցում Չեչնիայի ղեկավար Ռամզան Կադիրովի էջը: Այս մասին տեղեկացնում է BBC-ի ռուսական ծառայությունը:
Աղբյուրի փոխանցմամբ՝ նրա անձնական էջն արգելափակելուց զատ՝ սոցցանցը փակել է միանգամից մի քանի էջերի հասանելիությունը, որտեղ Կադիրովի անունից հրապաւակումներ են եղել:
Միաժամանակ, արգելափակվել են Պետդումայի պատգամավոր Ադամ Դելիմխանովի, Չեչնիայի խորհրդարանի խոսնակ Մագոմեդ Դաուդովի և Չեչնիայի փոխվարչապետ Աբուզայդ Վիսմուրադովի ինստագրամյան էջերը: Այս պաշտոնյաները Ռամզան Կադիրովի մերձավոր շրջապատից են:
Facebook-ի ներկայացուցիչը ՌԻԱ Նովոստիին ասել է, որ սոցցանցում Չեչնիայի ղեկավարի էջը փակվել է նրա դեմ սահմանված պատժամիջոցների պատճառով:
«Լինելով ամերիկյան ընկերություն՝ մենք գործում ենք ԱՄՆ պատժամիջոցային օրենսդրության շրջանակում և մշտապես միջոցներ ենք ձեռնարկում՝ մեր իրավական պարտավորությունները կատարելու համար»,- ասել է գործակալության զրուցակիցը
