25.06.2026 | 13:28
Այսօր կորոշվի՝ ով է լինելու ԱԺ նախագահի թեկնածուն. Փաշինյան․ ՏԵՍԱՆՅՈՒԹ
Կոնվենցիայով երեխաների մոտ վաղ տարիքում հնարավոր ռիսկերը կպաշտպանվեն. Մարիա Կարապետյան. ՏԵՍԱՆՅՈՒԹ
Հասարակություն
13.05.2020 | 11:33
Երեխաներին սեռական շահագործումից և սեռական բնույթի գործողություններից պաշտպանելու՝ ԵԽ կոնվենցիայի 50 դրույթներից մեկը վերաբերում է կրթությանը։ Ի՞նչ է այն ենթադրում, արդյո՞ք սա նշանակում է, որ մանկահասակ երեխան տարրական դպրոցում պետք է սեռական կրթություն ստանա։ Այսօր խորհրդարանական ճեպազրույցների ժամանակ նման հարց ուղղվեց «Իմ քայլը» խմբակցության պատգամավորներին:
Խմբակցության պատգամավոր Մարիա Կարապետյանն ընդգծեց, որ կոնվենցիայի այդ դրույթը չի նշանակում, որ տարրական դպրոցի երեխաները պետք է սովորեն՝ ինչ է առհասարակ սեռական անձեռնմելիությունը։
«Կոնվենցիան խրախուսում է երկրներին իրենց ազգային կրթական ծրագրերում ունենալ միջոցներ, երեխաներին իրենց սեռական անձեռնմխելիության նկատմամբ վտանգներից և ռիսկերից առաջին ազդանշանները ճանաչելու հնարավորություն տալ և ինքնապաշտպանելու ունակություններ: Սա չի նշանակում, որ տարրական դպրոցի երեխաները պետք է սովորեն՝ ինչ է առհասարակ սեռական անձեռնմելիությունը։ Սրանք դժվար բառեր են և դժվարամատչելի են նաև որոշ չափահաս քաղաքացիների համար, ուր մնաց՝ փոքր երեխաների։ Այստեղ խնդիրը երեխաների տարիքին հարմարեցված գիտելիքների, ունակությունների մեջ է, թե ինչպես ճանաչել չափահաս անձանց վարքի մեջ հնարավոր ազդանշանները, որ իրենց վտանգ է սպառնում այդ չափահաս անձից։ Բոլորս էլ գիտենք ծնողավարության տարածված մի օրինակ՝ անծանոթներից կոնֆետ չվերցնես։ Ինչպե՞ս ճանաչել այդ վաղ նշանները և ինչպե՞ս անկաշկանդ օգնություն խնդրել մեծահասակներից» ,- նշեց Մարիա Կարապետյանը։
Մանրամասները՝ տեսանյութում:
