12.06.2026 | 15:20
ԱԺ ընտրությունների քարոզարշավի մշտադիտարկման արդյունքներին նվիրված ասուլիս. ՈՒՂԻՂ
Ադրբեջանի կողմից ուժի և ուժի սպառնալիքի կիրառումը ԼՂ հիմնախնդրի խաղաղ կարգավորման գլխավոր խոչընդոտն է. Աննա Նաղդալյան
Քաղաքականություն
12.05.2020 | 22:19
ԱԳՆ մամուլի խոսնակ Աննա Նաղդալյանի մեկնաբանությունը՝ հրադադարի եռակողմ համաձայնագրի 26-ամյակի կապակցությամբ
«Այսօր լրանում է Արցախի, Ադրբեջանի և Հայաստանի միջև հրադադարի համաձայնագրի ստորագրման 26-ամյակը, որը վերջ դրեց Ադրբեջանի կողմից Արցախի ժողովրդի դեմ սանձազերծված ռազմական ագրեսիային: Համաձայնագիրն անժամկետ է. դրա անշեղ իրագործումը և հրադադարի ռեժիմի ամրապնդումը, այդ թվում ԵԱՀԿ Մինսկի խմբի համանախագահների միջնորդությամբ ձեռքբերված համաձայնագրերի իրականացման միջոցով ԼՂ խաղաղ գործընթացի առանցքային մասն է:
Ադրբեջանի կողմից ուժի և ուժի սպառնալիքի կիրառումը, որն ուղեկցվում է բանակցություններում փոխզիջումները մերժող դիրքորոշմամբ, Լեռնային Ղարաբաղի հիմնախնդրի խաղաղ կարգավորման գլխավոր խոչընդոտն է:
