18.12.2025 | 11:00
Կառավարության նիստը՝ ՈՒՂԻՂ
Իրանում զորավարժությունների ժամանակ ՌԾՈՒ 19 զինծառայող է զոհվել
Քաղաքականություն
11.05.2020 | 18:13
Օմանի ծոցում ռազմածովային զորավարժությունների ժամանակ տեղի ունեցած միջադեպի հետևանքով իրանցի 19 զինծառայող է զոհվել, 15-ը՝ տուժել: Այս մասին գրում է ԻՌՆԱ-ն՝ վկայակոչելով Իրանի բանակի ՌԾՈՒ-ի հասարակայնության հետ կապերի բաժնի տեղեկությունը:
Ռուսական լրատվամիջոցների հաղորդմամբ՝ զորավարժության ընթացքում իրանական ականակիր նավը պատահմամբ հրթիռակոծել է մեկ այլ ռազմանավ: Այս տեղեկությունը, սակայն, իրանական կողմը դեռևս չի մեկնաբանել:
«Konarak նավի հետ կապված միջադեպը տեղի է ունեցել Օմանի ծոցում՝ Ջասկ նավահանգստի շրջանում ռազմածովային ուժերի մանևրումների ընթացքում: Միջադեպի հետևանքով 19 մարդ է զոհվել, 15-ը՝ վիրավորվել: Վերջինների վիճակը բավարար է»,- նշել են Իրանի բանակի մամուլի ծառայությունում:
