30.08.2026 | 15:10
Կիմ Չեն Ընը փոխել է ԿԺԴՀ-ի պաշտպանության նախարարին
Ռուսաստանը կորոնավիրուսով վարակվածների թվով աշխարհում 3-րդն է. վարակվածների ընդհանուր թիվը՝ 221.344
Քաղաքականություն
11.05.2020 | 17:47
Մայիսի 11-ի դրությամբ՝ Ռուսաստանում կորոնավիրուսով վարակվածների թիվը հասել է 221.344-ի: Այս մասին գրում է ՌԲԿ-ն՝ վկայակոչելով համաճարակի դեմ պայքարի օպերատիվ շտաբի տվյալները:
Ջոն Հոփքինսի համալսարանի տվյալներով՝ առավել մեծ թվով վարակի դեպքեր արձանագրվել են միայն երկու երկրում՝ ԱՄՆ-ում (1.3 մլն) և Իսպանիայում (224.300):
Այսպիսով, Ռուսաստանը կորոնավիրուսով վարակվածների թվով աշխարհում 3-րդ տեղում է հայտնվել՝ առաջ անցնելով Մեծ Բրիտանիայից (220.400) և Իտալիայից (219.000):
Ջոն Հոփքինսի համալսարանի տվյալներով՝ աշխարհում կորոնավիրուսով վարակվածների թիվը գերազանցել է 4.1 միլիոնը, մահացության ցուցանիշը 282.800 է: Զոհերի թվով առաջատարն ԱՄՆ-ն է՝ 79.500 մահ, երկրորդ տեղում Մեծ Բրիտանիան է՝ 31.900 մահ, երրորդում՝ Իտալիան՝ 30.500 մահ:
