11.06.2026 | 18:53
ԱՄԷ առաջնորդները շնորհավորել են Նիկոլ Փաշինյանին
ԱԺ-ի ծեծկռտուքով ՀՔԾ-ն կզբաղվի
Հասարակություն
11.05.2020 | 11:53
ԱԺ-ի միջադեպի տեսանյութն ու ԶԼՄ հրապարակումներն ուղարկվել են ՀՔԾ՝ նյութեր նախապատրաստելու համար։ Այս մասին Factor.am-ին փոխանցում են Գլխավոր դատախազությունից։
Հիշեցնենք, որ մայիսի 8-ին ԱԺ-ում ԼՀԿ խմբակցության ղեկավար Էդմոն Մարուքյանի սուր ելույթի ընթացքում տեղից միջամտեց Սասուն Միքայելյանը՝ ասելով՝ «հոպար, կցխեմ», ապա ձեռքը տարավ ջրի շշին, որը նրա սեղանից հեռացրեց կողքին նստած Անդրանիկ Քոչարյանը։ Դրանից հետո Միքայելյանը մոտեցավ ամբիոնին և հարվածեց ամբիոնից իջած Մարուքյանին։
«Իմ քայլից» իրենց գործընկերոջը միացան նաև Արտակ Մանուկյանը և Վահե Ղալումյանը, որոնք նույնպես հարվածեցին Էդմոն Մարուքյանին, ապա ծեծկռտուքին միջամտեցին տասնյակ այլ պատգամավորներ։
Ի դեպ, այս ամենը տեղի էր ունենում դահլիճում գտնվող ՀՀ վարչապետ Նիկոլ Փաշինյանի և կառավարության մյուս անդամների ներկայությամբ։
Նարեկ Կիրակոսյան
