28.11.2024 | 10:39
Նավթի գները նվազել են
Լեհաստանում նախագահական ընտրություններն անորոշ ժամկետով հետաձգվել են
Քաղաքականություն
10.05.2020 | 20:50
Լեհաստանում մայիսի 10-ին ծրագրված նախագահական ընտրություններն անորոշ ժամանակով հետաձգվել են՝ կորոնավիրուսի համաճարակի պատճառով: Այս մասին գրում է ՌԻԱ Նովոստին:
Քվեարկության նոր ժամկետը, ինչպես շատ իրավական հարցեր, դեռ պարզ չեն:
Լեհաստանի փոխվարչապետ Ժակեկ Սասինի խոսքով՝ ընտրություններն ամենաշուտը հնարավոր է նշանակվեն հունիսին։
Մինչ այս, Լեհաստանի Սեյմը օրենք էր ընդունել, որով թույլատրվում է նախագահական ընտրություններին մասնակցել փոստի միջոցով՝ առանց ընտրատեղամաս այցելելու։
Նշենք, որ Լեհաստանի գործող նախագահ Անջեյ Դուդայի լիազորությունների ժամկետը լրանում է 2020 թվականի ամռանը։ Սահմանադրության համաձայն՝ պետության նոր ղեկավարի ընտրությունը պետք է կայանա գարնանը:
Լեհաստանի նախագահի պաշտոնին հավակնում է 10 թեկնածու։ Առայժմ, սակայն, հայտնի չէ նաև, արդյո՞ք այս թեկնածուները նոր նշանակված ժամկետում կկարողանան մասնակցել ընտրություններին, թե՞ ստիպված կլինեն կրկին գրանցման ընթացակարգ անցնել:
