08.11.2024 | 22:44
Ստամբուլի ընդդիմադիր քաղաքապետը հերքել է իշխանությունների կողմից իր պաշտոնանկության հնարավորությունը
Եվրոպայում ապաստան հայցողների թիվը զգալիորեն կրճատվել է
Քաղաքականություն
10.05.2020 | 20:07
Գերմանիայում ապաստանի հայցերի թիվը զգալիորեն կրճատվել է: Այս մասին գրում է DW-ի ռուսական ծառայությունը՝ վկայակոչելով գերմանական Bild am Sonntag պարբերականը:
Միգրացիայի և փախստականների հարցերի դաշնային ծառայության տվյալներով՝ 2020 թվականիի առաջին 4 ամիսներին, նախորդ տարվա նույն ժամանակահատվածի համեմատ, ապաստան տրամադրելու խնդրանքով դիմումների թիվը կրճատվել է 29%-ով:
Ապաստան հայցողների թիվը, ընդհանուր առմամբ, կրճատվել է ամբողջ Եվրոպայում: Նշվում է, որ ապրիլին ընդամենը 4.100 հայց է ներկայացվել, ինչը, 2019 թվականի ապրիլի համեմատ, պակաս է գրեթե երկու անգամ:
Միգրանտների մեծ մասը Սիրիայից, Աֆղանստանից և Իրաքից է:
EASO-ի տվյալներով՝ այս տարվա մարտին, փետրվարի համեմատ, ԵՄ անդամ երկրնեերում ապաստան հայցողների թիվը 43%-ով կրճատվել է:
Վերադառնալով Գերմանիային՝ մարտի կեսերին կանցլեր Անգելա Մերկելը հայտարարեց երրորդ երկրների քաղաքացիների մուտքի ժամանակավոր արգելքի մասին՝ բացառությամբ ԵՄ տարածքում կեցության իրավունք ունեցող անձանց և անհետաձգելի դեպքերի: Մայիսի սկզբին Եվրահանձնաժողովը խորհուրդ տվեց ևս 30 օրով երկարաձգել սահմանափակումները:
