18.12.2025 | 23:24
ՀՀ տարածքում ավտոճանապարհները հիմնականում անցանելի են
Եվրահանձնաժողովը թույլատրել է ձեռնարկությունների ժամանակավոր ազգայնացումը կորոնավիրուսի պատճառով
Քաղաքականություն
09.05.2020 | 22:12
Եվրահանձնաժողովը թույլատրել է ԵՄ անդամ երկրներին մասնակիորեն ազգայնացնել կորոնավիրուսի համավարակից առանձնահատուկ տուժած ձեռնարկությունները։ Սակայն ազգայնացումը կթույլատրվի մի շարք պայմաններ բավարարելու դեպքում։ Այս մասին գրում է DW-ի ռուսական ծառայությունը:
Ընկերությունները պետք է հրաժարվեն դիվիդենտներ ու բոնուսներ վճարելուց։ Խոշոր ընկերությունները պետք է մանրամասնեն, թե ինչի վրա են ծախսում ստացված օգնությունը և արդյո՞ք դա համահունչ է կանաչ ու թվային տնտեսության անցնելու՝ ԵՄ-ի նպատակներին։
Եվրահանձնաժողովը հաղորդում է, որ տնտեսությունում պետության միջամտությունը պետք է տեղի ունենա «հանրային հետաքրքրության» շրջանակում, մասնավորապես, որ մեծաթիվ աշխատատեղեր չկրճատվեն կամ նորարական ձեռնարկությունները չսնանկանան։
Ազգայնացման գործընթացի ժամանակ պետք է սահմանվի ռազմավարություն, թե ինչպես պետք է պետությունը դուրս գա ձեռնարկության կապիտալից։ Պետք է նախատեսվի վերակառուցման ծրագիր, եթե պետությունը ավելի քան 6 տարի մասնակցություն ունենա ձեռնարկությունում։
ԵՄ երկրների կառավարություններն այս միջոցառումը դիտարկում են տնտեսությանը լրացուցիչ ֆինանսական օգնություն ցուցաբերելու կարևոր քայլ, որի նպատակը կորոնավիրուսի ճգնաժամից հաջողությամբ դուրս գալն է։
