15.12.2025 | 22:39
Էրդողանը հայտարարել է, թե 44-օրյա պատերազմի ժամանակ «երկրի թշնամիները Թուրքիային մեղադրում էին Ադրբեջանին աջակցելու մեջ»
ԱՄՆ-ն հերքել է Վենեսուելայում հեղաշրջման փորձին մասնակցության մասին մեղադրանքները
Քաղաքականություն
09.05.2020 | 21:38
ԱՄՆ Ազգային անվտանգության խորհուրդը մայիսի 9-ին հանդես է եկել հայտարարությամբ՝ հերքելով Վենեսուելայում պետական հեղաշրջման փորձին Վաշինգտոնի մասնակցության մասին մեղադրանքները: Այս մասին հաղորդում է DW-ի ռուսական ծառայությունը:
«ԱՄՆ կառավարությունը որևէ առնչություն չունի Վենեսուելայի վերջին իրադարձություններին: Եթե դա ծրագրված գործողություն լիներ, ինչպես պնդում է Մադուրոն, այն կլիներ բաց, ուղղակի և արդյունավետ»,- ասված է հայտարարությունում:
Ավելի վաղ Վենեսուելայում պետական հեղաշրջման փորձին Վաշինգտոնի մասնակցության մասին այդ երկրի իշխանությունների հայտարարությունը հերքել էր նաև ԱՄՆ նախագահ Դոնալդ Թրամփը:
Մայիսի սկզբին Վենեսուելայի նախագահ Նիկոլաս Մադուրոն հայտարարել էր 15 մարդու ձերբակալության մասին, որոնք, նրա հավաստմամբ, մասնակցել են երկիր «ներխուժման փորձին»: Նրանց թվում երկու ամերիկացիներ են եղել, որոնք, Մադուրոյի պնդմամբ, ԱՄՆ նախագահի անվտանգության ծայառության աշխատակիցներ են և պատրաստվել են պտական հեղաշրջում իրականացնել:
Դրանից հետո Վենեսուելայի բանակը մարտական պատրաստության է բերվել:
