18.10.2026 | 11:20
Կոտայքի մարզի Առինջ բնակավայրում գործարկվելու են էլեկտրաշչակներ
Առանձին անպատասխանատու գործիչների պատճառով Կիևի հետ գործընկերությունը չի դրվի կասկածի տակ. Գախարիան՝ Սաակաշվիլիի նշանակման մասին
Քաղաքականություն
09.05.2020 | 19:58
Առանձին անպատասխանատու քաղաքական գործիչների պատճառով Ուկրաինայի հետ գործընկերությունը չի դրվի կասկածի տակ: Վրացական Առաջին ալիքի փոխանցմամբ՝ այս մասին լրագրողների հետ զրույցում հայտարարել է Վրաստանի վարչապետ Գեորգի Գախարիան:
«Մենք դեսպանին կկանչենք միայն խորհրդակցության նպատակով, թե ինչպես խարդախներից Ուկրաինայի հետ պահպանենք հարաբերությունները»,- ասել է նա:
Գախարիան նշել է, որ Միխայիլ Սաակաշվիլիին Օդեսայի նահանգապետի պաշտոնից ազատելուց հետո ինքն անձամբ ներգրավված է եղել Ուկրաինայի հետ հարաբերությունների կարգավորման հարցում: Նրա խոսքով՝ Սաակաշվիլիի հետ կապված Վրաստանն Ուկրաինային չի թաքցրել իր վերաբերմունքը:
Հիշեցնենք, որ Ուկրաինայի նախագահ Վլադիմիր Զելենսկին Վրաստանի նախկին նախագահ, Օդեսայի նախկին նահանգապետ Միխայիլ Սաակաշվիլիին նշանակել է Բարեփոխումների գործադիր հանձնաժողովի ղեկավար: Այս նշանակումից հետո Թբիլիսին խորհրդակցությունների նպատակով Կիևից հետ է կանչել իր դեսպանին:
