30.08.2026 | 15:10
Կիմ Չեն Ընը փոխել է ԿԺԴՀ-ի պաշտպանության նախարարին
ՄԱԿ-ի գլխավոր քարտուղարը Հաղթանակի օրվա 75-ամյակի կապակցությամբ ուղերձ է հղել
Քաղաքականություն
09.05.2020 | 17:57
ՄԱԿ-ի գլխավոր քարտուղար Անտոնիու Գուտերեշը Երկրորդ համաշխարհային պատերազմում հաղթանակի 75-ամյակի կապակցությամբ ուղերձ է հղել։ Այս մասին տեղեկանում ենք կազմակերպության պաշտոնական կայքից։
«Հիշատակի և հաշտեցման այս պահին մենք հարգանքի տուրք ենք մատուցում Երկրորդ համաշխարհային պատերազմում իրենց կյանքը կորցրած միլիոնավոր մարդկանց և հիշում նրանց զոհաբերությունները: Մենք երբեք չպետք է մոռանանք Հոլոքոստը և նացիստների կողմից կատարված մյուս ծանր ու սարսափելի ոճրագործությունները: 1945-ի մայիսին ֆաշիզմի և բռնակալության նկատմամբ տարած հաղթանակը նշանավորեց նոր դարաշրջանի սկիզբը: Միջազգային համերաշխության և մեր ընդհանուր մարդասիրության գնահատանքը ծնունդ տվեց ՄԱԿ-ին՝ պատերազմի աղետից հաջորդ սերունդներին փրկելու գերագույն առաքելությամբ: Մեր աշխարհը դեռ տառապում է հակամարտության ազդեցությունից: Նույնիսկ COVID-19-ի ներկայիս ճգնաժամի ընթացքում մենք տեսնում ենք նոր ջանքեր՝ ուղղված մարդկանց բաժանելուն և ատելություն տարածելուն: 75-ամյակը նշելով, եկեք հիշենք 1945-ի դասերը և միասին աշխատենք` վերջ տալու համավարակին և բոլորի համար ստեղծելու խաղաղ, անվտանգ և արժանապատիվ ապագա»,- իր ուղերձում նշել է ՄԱԿ-ի գլխավոր քարտուղարը։
Նելլի Մելքոնյան
