28.11.2024 | 12:49
Գեներալին և Շիրակի մարզպետին խիստ նկատողություն եմ անում. Փաշինյան․ ՏԵՍԱՆՅՈՒԹ
Աշխարհում կորոնավիրուսի դեպքերի թիվն անցել է 4 միլիոնը
Քաղաքականություն
09.05.2020 | 10:46
Աշխարհում նոր կորոնավիրուսի հաստատված դեպքերի թիվն անցել է 4 միլիոնը: Ըստ worldometers.info կայքի՝ աշխարհում մինչ օրս կորոնավիրուսով վարակման 4.014.500 դեպք է գրանվել, որից ակտիվ դեպքերը 2.350.988-ն են:
Նշված թվից 48.699-ը ծանր կամ ծայրահեղ ծանր վիճակում են: Մինչ օրս վարակից մահացել է 276.253 մարդ: Ապաքինվածների թիվը 1.387.259 է:
Կորոնավիրուսի դեպքերի թվով առաջատարը շարունակում է մնալ ԱՄՆ-ը: Մինչ օրս այնտեղ 1.322.163 վարակակիր է հայտնաբերվել, որից 78.616 մարդ մահացել է: 2-րդ տեղում Իսպանիան է՝ 260.117 դեպքով, իսկ 3-րդ տեղում՝ Իտալիան, որտեղ մինչ օրս 217.185 դեպք է գրանցվել:
5-րդ տեղում 211.364 հաստատված դեպքով և Եվրոպայում կորոնավիրուսից ամենաշատ մահերն արձանագրած Միացյալ Թագավորությունն է: Նրան հաջորդում է հարևան Ռուսաստանը՝ վարակման 187.859 դեպքով: Վրաստանում մինչ օրս կորոնավիրուսի 623 դեպք է հայտնաբերվել, իսկ Ադրբեջանում՝ 2279:
Նելլի Մելքոնյան
