14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Կդառնա արդյոք Աֆեյանի Moderna Therapeutics-ը մինչև տարեվերջ COVID-19-ի պատվաստանյութի ստեղծողը
08.05.2020 | 23:26
ԱՄՆ սնունդի և դեղորայքի վերահսկողության գերատեսչությունը (FDA) թույլատրել է ամերիկահայ Նուբար Աֆեյանի Moderna բիոտեխնոլոգիական ընկերությանն անցնել իր պատրաստած պատվաստանյութի հետազոտման երկրորդ փուլին. գրում է amerikayidzayn.com-ը:
Այն կսկսվի շատ շուտով, նշել է ընկերությունն իր մամլո հաղորդագրության մեջ: MRNA-1273 պատվաստանյութը առաջին է, որ ստացել է թույլտվություն ամերիկյան հիվանդանոցներում փորձարկումներ անցկացնելու համար: Ընկերությունը տեղեկացնում է, որ հետազոտման 3-րդ փուլը նախատեսված է սկսել ամռան սկզբին:
Պատվաստանյութի պատրաստմանն ուղղությամբ աշխատանք են տանում նաև այլ ընկերություններ: Օրերս Pfizer և BioNTech ընկերությունները հայտարարեցին, որ մայիսի 5-ից հիվանդանոցներին կտրամադրեն պատվաստանյութեր՝ փորձարկումներ իրականացնելու համար:
Ամերիկյան ու գերմանական այս ընկերություններն ասում են, որ եթե պատվաստանյութը հաջողությամբ անցնի փորձարկումները, ապա հնարավոր է, որ այն պատրաստ լինի մինչև տարեվերջ ԱՄՆ-ում լայն տարածման համար՝ շրջանցելով մի քանի տարվա պատվաստանյութի զարգացմանը բնորոշ ժամանակացույցը: Բարեհաջող ընթացքի դեպքում հաջորդ տարի հնարավոր կդառնա կազմակերպել պատվաստանյութի հարյուր միլիոնների հասնող արտադրությունը:
Ընկերությունները հույս ունեն, որ ԱՄՆ-ի սննդի և դեղորայքի վերահսկմամբ զբաղված գերատեսչությունը հնարավորինս շուտ կտրամադրի թույլտվություն փորձարկումնները սկսելու համար: Դրանց համաձայնվել են մասնակցել շուրջ 360 մարդ տարբեր տարիքային խմբերից:
