28.11.2024 | 12:49
Գեներալին և Շիրակի մարզպետին խիստ նկատողություն եմ անում. Փաշինյան․ ՏԵՍԱՆՅՈՒԹ
Զելենսկին Վրաստանի դեսպանին հետ կանչելու՝ Թբիլիսիի որոշումը «սխալ» է որակել
Քաղաքականություն
08.05.2020 | 17:35
Ուկրաինայի նախագահ Վլադիմիր Զելենսկին, մեկնաբանելով Միխայիլ Սաակաշվիլիին Ուկրաինայում պաշտոն տալու կապակցությամբ Կիևում Վրաստանի դեսպանին հետ կանչելու մասին Թբիլիսիի որոշումը՝ ասել է, որ այն վրացական կողմի «սխալն» է: Այս մասին գրում է ՌԻԱ Նովոստին:
«Մենք Վրաստանի, վրաց ժողովրդի հետ հրաշալի հարաբերություններ ունենք: Անկախ ամեն ինչից՝ մենք ոչ մի խորհրդակցության համար հետ չենք կանչի Ուկրաինայի դեսպանին: Կարծում եմ՝ դա վրացական կողմի սխալն է: Ինձ թվում է, որ խորհրդակցություններից հետո բոլոր կողմերը կհասկանան, որ յուրաքանչյուր երկրի կադրային քաղաքականությունը վերաբերում է այն երկրին ու այն քաղաքացիներին, որոնք ապրում են այդ երկրում»,- ասել է Զելենսկին:
Հիշեցնենք, որ Թբիլիսին խորհրդակցությունների համար հետ է կանչել Կիևում իր դեսպանին՝ կապված Վրաստանի նախկին նախագահ Միխայիլ Սաակաշվիլիին Ուկրանիայում բարձր պաշտոնի նշանակելու հետ:
«Ռազմավարական գործընկերոջ կողմից նման պաշտոնի նշանակումը մի մարդու, որը հետախուզվում է վրացական դատական համակարգի կողմից, հարցեր է առաջացնում: Դա Ուկրաինայում Վրաստանի արտակարգ և լիազոր դեսպան Թեյմուրազ Շարաշենիձեին խորհրդակցությունների համար Թբիլիսի կանչելու առիթ է դարձել»,- ասել է Վրաստանի ԱԳ նախարար Դավիթ Զալկալիանին:
Հավելենք նաև, որ Ուկրաինայի նախագահը Սաակաշվիլիին նշանակել է երկրի բարեփոխումների ազգային խորհրդի գործադիր կոմիտեի ղեկավարի պաշտոնում՝ չնայած Վրաստանի իշխանությունների հայտարարություններին, որ Թբիլիսիի համար անընդունելի է Սաակաշվիլիին Ուկրաինայում ցանկացած պաշտոնի նշանակումը:
