30.08.2026 | 14:22
Իսլանդիայի բնակիչները դեմ են քվեարկել Եվրամիության հետ մերձեցմանը
Դատապարտում եմ բոլոր տեսակի բռնությունները, արդեն 2 տարի է՝ մեր թիմը ենթարկվում է հոգեբանական և բարոյական բռնությունների․ Փաշինյան. ՏԵՍԱՆՅՈՒԹ
Քաղաքականություն
08.05.2020 | 16:12
Դատապարտում եմ բռնության ցանկացած երևույթ՝ իր բոլոր դրսևորումներով: Ազգային ժողովի ամբիոնից այս մասին հայտարարեց ՀՀ վարչապետ Նիկոլ Փաշինյանը:
«Ուզում եմ ընդգծել՝բռնությունը՝ իր բոլոր դրսևորումներով: Որովհետև բռնությունը լինում է ոչ միայն ֆիզիկական, այլև բարոյական, հոգեբանական»,- ասաց նա:
Փաշինյանի խոսքով՝ արդեն երկու տարի խորհրդարանական մեծամասնությունը և Կառավարությունը շարունակաբար ենթարկվում են բարոյական և հոգեբանական բռնությունների:
«Խորհրդարանական մեծամասնության կին պատգամավորներին սոցիալական ցանցերում սպառնում են բռնաբարել, նրանց երեխաներին սպառնում են փողոցներում սատկացնել: Ամենավերջին ստահոդ, քստմնելի տեղեկություններն են տարածում ԱԺ «Իմ քայլը» խմբակցությունը ներկայացնող պատգամավորների վերաբերյալ»,- նշեց վարչապետը՝ հավելելով, որ այս ամենը քաղաքական մեծամասնությանը խեղճացնելու նպատակ ունի:
Մանրամասները՝ տեսանյութում:
