02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Այսօր տեղի ունեցածը համարում եմ մեր և անձամբ իմ ամենամեծ պարտությունը. Փաշինյան
Քաղաքականություն
08.05.2020 | 16:01
Սադրանքը նույնպիսի հանցագործություն է, ինչպիսին դրա հետևանքն է։ Այս մասին այսօր Ազգային ժողովում ասաց ՀՀ վարչապետ Նիկոլ Փաշինյանը՝ անդրադառնալով ԱԺ-ում տեղի ունեցած միջադեպին։
«Ես ուզում եմ խոսել նաև օրենքի և օրինականության տեսակետից: Հայաստանի Հանրապետության քրեական օրենսգրքում կաշառքը համարվում է հանցագործություն, բայց առանձին վերցրած հանցագործությունն էլ կա՝ կաշառքի սադրանքը: Սադրանքը նույնպիսի հանցագործություն է, ինչ դրա հետևանքները, և սա է իմ գնահատականն այսօր տեղի ունեցած միջադեպին: Եվ, այո՛, ես դատապարտում եմ մեզ, ես դատապարտում եմ ինձ, և այսօր տեղի ունեցածը համարում եմ մեր և անձամբ իմ ամենամեծ պարտությունը, որ մենք ունեցել ենք հեղափոխությունից հետո: Բայց սա որևէ մեկին թող հուսավառ չանի, որովհետև, կներեք, «ես» եմ ասում, բայց «մենք» հասկանանք՝ ես պարտվել եմ, պարտվել եմ քանիցս ու տեսել քմծիծաղը ստի, այսօր էլ ենք մենք տեսնում քմծիծաղը ստի, բայց իմ կամքը ամուր է քարից էլ, իմ ոգին հանձնվել չգիտի: Այո՛, այս ամեն ինչը կապ ունի «Ապօրինի գույքի բռնագանձման մասին» օրենքի հետ, այս ամեն ինչը կապ ունի բազմաթիվ և բազմապիսի քրեական գործերի հետ: Որովհետև երբ այդ գողացված միջոցները վերադարձվեն, որտեղի՞ց են իրենց թուլափայն ստանալու թուլափայ ստացողները»,- ասաց Փաշինյանը։
Մանրամասները՝ տեսանյութում:
