26.09.2026 | 17:39
Քննարկվել են Հայաստանի և Կիպրոսի միջև երկկողմ գործընկերության խորացման հարցեր
Մոսկվայում կորոնավիրուսով պայմանավորված սահմանափակումները երկարաձգվել են մինչև մայիսի 31-ը
Քաղաքականություն
07.05.2020 | 22:17
ՌԴ մայրաքաղաք Մոսկվայում կորոնավիրուսային համավարակով պայմանավորված սահմանափակումները երկարաձգվել են մինչև մայիսի 31-ը ներառյալ։ Համապատասխան հրահանգը տվել է Մոսկվայի քաղաքապետ Սերգեյ Սոբյանինը։ Այս մասին հայտնում է Deutsche Welle-ն՝ հղում անելով Ինտերֆաքսին։
«Մինչև 2020 թվականի մայիսի 31-ը կերկարաձգվեն առևտրի, հանրային սննդի, ծառայությունների ոլորտի, մշակույթի, կրթության, սպորտի և այլ ոչ արտադրական ոլորտների գործունեության սահմանափակումները, ինչպես նաև քաղաքացիների ինքնամեկուսացման ռեժիմի ժամանակավոր սահմանափակումները», – հայտարարել է Մոսկվայի քաղաքապետը։
Մոսկվայի քաղաքապետի նոր որոշման համաձայն՝ աշխատանքը կշարունակեն քաղաքի գործունեության համար կենսական նշանակություն ունեցող ձեռնարկությունները, ինչպես նաև բժշկական կազմակերպությունները, իրավապահ մարմինները, բանկերը, ապահովագրական ընկերությունները, հասարակական տրանսպորտը, կապի ընկերությունները և լրատվամիջոցները:
Բացի այդ, հրամանագրի 5-րդ կետի համաձայն ՝ աշխատանքը կվերսկսեն նաև արդյունաբերական ձեռնարկությունները և շինհրապարակները։ Սոբյանինը նաև նշել է, որ ռեստորանները, թատրոնները և սպորտային հաստատությունները բացելու համար, ամեն դեպքում, դեռ վաղ է։ Նշվում է, որ մայիսի 12-ից Մոսկվայում հասարակական տրանսպորտից օգտվելիս դիմակ կրելը պարտադիր է լինելու։
Հավելենք, որ վերջին տվյալներով՝ Ռուսաստանում կորոնավիրուսի հաստատված դեպքերը 177.160-ն են, իսկ մահվան դեպքերը՝ 1․625։
Նելլի Մելքոնյան
