26.04.2026 | 12:04
Կոլումբիայում ապստամբները պայթյուն են իրականացրել Պանամերիկյան մայրուղու վրա․ 14 մարդ է զոհվել
Աննախադեպ աճ չի եղել․Մելքումյանը զավեշտալի թիվ ներկայացրեց. ՏԵՍԱՆՅՈՒԹ
Տնտեսություն
07.05.2020 | 17:57
Կառավարության 2019 թվականի կատարողականի մասով եղել են լրջագույն բացթողումներ, և դրանք պետք է համալիր քննարկել, նոր շարժվել առաջ։ Նախորդ սխալները ուրիշ աշխարհ էին, այսօրվանը՝ ուրիշ, բայց սխալը մնում է սխալ։ Նման տեսակետ հայտնեց այսօր Ազգային ժողովում «Բարգավաճ Հայաստան» խմբակցության պատգամավոր Միքայել Մելքումյանը Կառավարության 2019 թվականի ծրագրի կատարողականի քննարկման ժամանակ։
«Դուք հնչեցրիք մի թիվ՝ 2 մլրդ 300 մլն դոլարի օտարերկրյա ներդրումներ, ես հատուկ մեր պետական պաշտոնական վիճակագրությունը բերել են, և ասեմ հետևյալը. մեզ մոտ օտարերկրյա ներդրումները բաղկացած են ուղղակի ներդրումներից, պորտֆելային և այլ ներդրումներից։ Ուղղակի ներդրումները մեզանում չեն աճել, կազմել են 254 միլիոն դոլար, նախանցյալ տարի կազմել են 254,1 միլիոն, իսկ 2019 թվականին՝ 254.5 միլիոն: Այսինքն՝ ընդամենը 400 հազար դոլարի տարբերություն ունենք։ Պորտֆելայինը կազմել է 100 մլն, չգիտեմ՝ ով է ձեզ հրամցրել այդ փաստաթուղթը վիճակագրական»,- ասաց նա։
Պատգամավորը, իր ներկայացմամբ, «զավեշտալի թիվ» հնչեցրեց. «Կխնդրեի հանձնարարեք, որ ճշտեն։ Եթե մենք անցյալ տարի ապրիլի 5-ին նայեինք, թե վիճակագրական պետական կոմիտեն ինչ թիվ է դրել 2018 թվի օտարերկրյա ներդրումների զուտ ներհոսքի համար՝ 111 միլիարդ դրամ, և հիմա նայեք, կտեսնեք, որ այդ թիվն իջել է 74.9 մլրդ դրամ»:
Մանրամասները՝ տեսանյութում։
