30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Լեհաստանում կթույլատրվի նախագահական ընտրություններին փոստով մասնակցել. Սեյմը օրենք է ընդունել
Քաղաքականություն
07.05.2020 | 17:35
Լեհաստանի խորհրդարանի ստորին պալատը՝ Սեյմը, այսօր հաղթահարել է Սենատի (վերին պալատ) վետոն, որն ավելի վաղ դեմ էր արտահայտվել նախագահական ընտրություններին փոստով մասնակցելու նախաձեռնությանը: Այս մասին հաղորդում է DW-ի ռուսական ծառայությունը:
Օրինագծին կողմ է քվեարկել է 236, դեմ՝ 213 պատգամավոր: Հիմա օրենքը պետք է ստորագրի Լեհաստանի նախագահ Անջեյ Դուդան:
Այսպիսով, Լեհաստանի քաղաքացիներն այսուհետ կարող են նախագահական ընտրություններին մասնակցել՝ փոստով ուղարկելով քվեաթերթիկով և գաղտնի քվեարկության մասին ստորագրված հայտարարությամբ ծրարը:
Ընդդիմությունը, սակայն, դեմ է քվեարկության այս եղանակին՝ հիմնավորմամբ, որ հազիվ թե հնարավոր կլինի փոստով ժամանակին տեղ հասցնել 30 մլն ընտրողների քվեաթերթիկները:
Նշենք, որ Լեհաստանի նախագահական ընտրությունների առաջին փուլը նախանշված էր մայիսի 10-ին, սակայն կորոնավիրուսի համաճարակով պայմանավորված՝ այն հետաձգվել է: Այդ պաշտոնին հավակնում է 10 թեկնածու, այդ թվում՝ գործող նախագահ Անջեյ Դուդան:
