01.07.2026 | 21:39
Թրամփը հայտարարել է, որ Իրանի ապամիջուկայնացման գործընթացը «լավ է ընթանում»
ՌԴ-ն կորոնավիրուսով վարակակիրների թվով աշխարհում 5-րդն է
Քաղաքականություն
07.05.2020 | 16:09
Ռուսաստանում մեկ օրում կորոնավիրուսով վարակի 11.231 նոր դեպք է արձանագրվել, ինչպես նաև 88 մահվան դեպք: Այսպիսով, վարակի օրական աճը կազմել է 6.8%: Այս մասին գրում է «Ինտերֆաքս»-ը՝ վկայակոչելով օպերատիվ շտաբը:
Վարակակիրների ընդհանուր թիվը երկրում 177.160 է: Ջոն Հոփքինսի համալսարանի տվյալների համաձայն՝ այս ցուցանիշով ՌԴ-ն աշխարհում 5-րդ տեղում է հայտնվել՝ շրջանցելով Գերմանիային (168.100 դեպք) և Ֆրանսիային (174.200 դեպք): Վարակվածների թվով առաջին տեղում ԱՄՆ-ն է (1 մլն 228 հազար 600 դեպք), երկրորդ տեղում՝ Իսպանիան (220.300 դեպք), որոնց հաջորդում են Իտալիան (214.400) և Մեծ Բրիտանիան (202.300):
Իսկ նոր դեպքերից 6.703-ն արձանագրվել է Մոսկվայում. ՌԴ մայրաքաղաքում, ընդհանուր առմամբ, 92.676 վարակված կա:
ՌԴ-ում այս ընթացքում կորոնավիրուսից մահացել է 1.625 մարդ, առողջացել՝ 23.803-ը:
