01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Forbes-ի վարկանիշում հայտնված ռուս միլիարդատերը ինքնասպան է եղել
06.05.2020 | 21:21
ALLTEK խմբի ամենամեծ բաժնետեր և տնօրենների խորհրդի ղեկավար Դմիտրի Բոսովը ինքնասպանություն է գործել մերձմոսկովյան Ուսովո գյուղում գտնվող իր տանը: Վերջերս Բոսովը աշխատանքից հեռացրել էր իր գործընկերոջը ՝ կասկածելի գործարքների պատճառով. հաղորդում է rbc.ru-ն:
«Դա ճիշտ է, Բոսովը մահացել է»,- ասել է ծանոթներից մեկը։
Նշվում է, որ գիշերը ոստիկանությունը ահազանգ է ստացել ինքնասպանության հետ կապված և մեկնել մերձմոսկովյան Ուսովո գյուղ, որտեղ ապրել է գործարարը: «РБК»-ի զրուցակցի խոսքով ՝ Բոսովն ինքնասպան է եղել մայիսի 6-ի գիշերը:
Դմիտրի Բոսովը խոշորագույն բաժնետեր և ALLTEK ընկերության տնօրենների խորհրդի ղեկավար էր, որը վերահսկել է «Սիբանտրացիտ» ընկերությունը։ Նա նաև եղել է մետալուրգիական ածխի Ռուսաստանի խոշորագույն արտադրող և համասեփականատեր։
Forbes ամսագիրը մայիսի 6-ին Բոսովի կարողությունը գնահատել է 1,1 մլրդ դոլար, Forbes-ի ռուս միլիարդատերերի վարկանիշում գործարարը զբաղեցրել է 86-րդ տեղը:
