27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Փորձագետները հաշվել են՝ որքան կկազմեն տրանսֆերային շուկայի կորուստները վիրուսի պատճառով
06.05.2020 | 22:23
Եվրոպական բոլոր ազգային առաջնությունների չեղյալ համարվելու դեպքում շուկան 10 մլրդ եվրոյով կընկնի։ Այս մասին հաղորդում է Financial Times թերթը՝ հղում կատարելով KPMG աուդիտորիական ընկերության հետազոտությանը. փոխանցում է armsport-ը:
Պարբերականի տեղեկության համաձայն՝ համավարակի և դրա հետ կապված տնտեսական ճգնաժամի պատճառովԵվրոպայի խոշորագույն ակումբները պլանավորում են կրճատել ֆուտբոլիստներ գնելու ծախսերը։ KPMG-ի փորձագետների կանխատեսմամբ՝ կնվազեն ինչպես տրանսֆերային արժեքները, այնպես էլ գոծակալներին տրվող կոմիսիոն վճարները։
Եթե այս մրցաշրջանի ազգային առաջնությունների մեծ մասը հաջողվի ավարտին հասցնել, ֆուտբոլային շուկայի կորուստները կկազմեն 6,6 մլրդ եվրո։ Եթե ոչ, այդ ցուցանիշը կհասնի 10 մլրդ եվրոյի։
Նախորդ շաբաթ Ֆրանսիայում արդեն ժամկետից շուտ առաջնությունն ավարտվել է։ Չեմպիոն հռչակվել է ՊՍԺ-ն։
Ավելի վաղ ավարտվել էր նաև Հոլանդիայի առաջնությունը։
Ապրիլի սկզբին գերմանական Transfermarkt պորտալը, որը ֆուտբոլիստների արժեքը գնահատում է ըստ փորձագետների ու շուկայի մասնակիցների կարծիքների, COVID-19-ի ֆոնին փոփոխության է ենթարկել տվյալները։ Ֆուտբոլիստների մեծ մասի արժեքը կրճատվել է 20%-ով, իսկ 1998 թվականին և դրանից շուտ ծնված խաղացողներինը՝ 10%-ով։
Արդյունքում, Transfermarkt-ի տվյալներով՝ ամբողջ աշխարհում ֆուտբոլիստների շուկայական արժեքն ընկել է 9,22 մլրդ եվրոյով։
