26.09.2026 | 20:38
Քաղաքացին ընկել է ջրհորը. նա հոսպիտալացվել է
Միխայիլ Սաակաշվիլին Ուկրաինայում նոր պաշտոն կստանա
Քաղաքականություն
06.05.2020 | 16:57
Վրաստանի նախկին նախագահ Միխայիլ Սաակաշվիլին Deutsche Welle պարբերականի հետ հարցազրուցում հաստատել է տեղեկությունը, թե Ուկրաինայի Ազգային բարեփոխումների խորհրդում պաշտոն է ստանալու։
Աղբյուրի փոխանցմամբ՝ Սաակաշվիլին Ազգային բարեփոխումների խորհրդի գործադիր կոմիտեի նախագահ է նշանակվելու։ Ավելի վաղ՝ ուկրաինական ԶԼՄ-ները հայտնել էին, որ նրան նախատեսում են խորհրդի քարտուղար նշանակել։ «Գործադիր կոմիտեի նախագահ, ոչ թե քարտուղար»,- ասել է Սաակաշվիլին։
Վրաստանի նախկին նախագահը նոր պաշտոնում նշանակման կոնկրետ ժամկետ չի նշել։
Հիշեցնենք, որ ավելի վաղ՝ ուկրաինական մամուլում տեղեկություններ էին տարածվել՝ Սաակաշվիլիին Ուկրաինայի փոխվարչապետի պաշտոնում նշանակելու մասին։ Նշվում էր, թե նրան այդ պաշտոնն առաջարկել է երկրի գործող նախագահ Վլադիմիր Զելենսկին, որը նախորդ տարի Սաակաշվիլիին էր վերադարձրել ուկրաինական քաղաքացիությունը։
Նելլի Մելքոնյան
