12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
ՌԴ-ում 4-րդ օրն անընդմեջ վարակի ավելի քան 10 հազար նոր դեպք է արձանագրվում
Քաղաքականություն
06.05.2020 | 15:56
Ռուսաստանում մեկ օրում կորոնավիրուսով վարակի 10.559 նոր դեպք է բացահայտվել: ՌԲԿ-ի փոխանցմամբ՝ այս մասին հաղորդել է վարակի դեմ պայքարի օպերատիվ շտաբը: Այսպիսով, երկրում, ընդհանուր առմամբ, 165.929 վարակված կա:
Նշենք, որ ՌԴ-ում արդեն չորրորդ օրն անընդմեջ վարակի նոր դեպքերի թիվը գերազանցում է 10 հազարը. մայիսի 3-ին դեպքերի թիվը եղել է 10.633, մայիսի 4-ին՝ 10.581, մայիսի 5-ին՝ 10.102: Մայիսի 6-ին արձանագրված դեպքերի 40%-ի պարագայում վարակվածների մոտ հիվանդության կլինիկական ախտանշաններ չկան:
Վարակի ամենաշատ դեպքերը գրանցվել են Մոսկվայում՝ 5.858 մարդ: Ընդհանուր առմամբ, Ռուսաստանի մայրաքաղաքում կորոնավիրուսով հիվանդ 85.973 պացիենտ կա:
Վարակաբանները ենթադրում են, որ բացահայտված դեպքերի աճը կարող է պայմանավորված լինել անցկացվող թեստերի թվի ավելացմամբ:
«Եթե մենք ավելի շատ ենք ախտորոշում, ավելի մեծ թվով մարդկանց ենք հետազոտում, այդ թվում՝ նրանց, որոնց մոտ կլինիկական ախտանշաններ չկան, հիվանդացության աճ է արձանագրվում»,- ասել է վարակաբան Նիկոլայ Մալիշևը:
Նա հիվանդացության ցուցանիշի աճը բացատրել է նաև այն հանգամանքով, որ Ռուսաստանը շարժվում է դեպի համաճարակի պիկը:
