17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Վարչապետը՝ Էրիկ Գրիգորյանի հրաժարականի մասին. ՏԵՍԱՆՅՈՒԹ
Քաղաքականություն
06.05.2020 | 12:26
Վարչապետ Նիկոլ Փաշինյանն այսօր Ազգային ժողովում շնորհակալություն հայտնեց շրջակա միջավայրի նախարար Էրիկ Գրիգորյանին՝ համատեղ աշխատանքի համար: Գրիգորյանը, հիշեցնենք, նախօրեին աշխատանքից ազատման դիմում է ներկայացրել, նախագահն արդեն ստորագրել է այն:
«Համոզված եմ, որ նա այս ընթացքում արել է առավելագույնը՝ առավելագույն արդյունքների հասնելու համար: Բայց աշխատանքը բարդ երևույթ է, և գալիս են փուլեր, երբ անհրաժեշտ է լինում կայացնել որոշումներ, և կայացվել են որոշումներ»,- ասաց վարչապետը:
Նա հավելեց, որ բնապահպանական ոլորտում, այդ թվում՝ նախարար Էրիկ Գրիգորյանի նախաձեռնությամբ և մասնակցությամբ, էական հաջողություններ ունեցել ենք՝ թվարկելով մի քանի իրականացված ծրագիր:
«Իմ քայլը» խմբակցության պատգամավոր Հովհաննես Հովհաննիսյանի հարցին՝ գո՞հ է Էրիկ Գրիգորյանի աշխատանքից, Նիկոլ Փաշինյանը հստակ պատասխան չտվեց. «Ես բազմիցս ասել եմ, որ եթե ինձ հարցնեք՝ իմ աշխատանքից գոհ եմ, թե ոչ, ես կասեմ՝ ոչ, բայց սա չի նշանակում, որ ես համարում եմ՝ ոչ մի բան չեմ անում: Բայց ես ուզում եմ, որ ինքս և մենք բոլորս միշտ անենք ավելին: Նույնիսկ ավելին, քան հնարավոր է, նույնիսկ ավելին, քան անհնար է»:
Մանրամասները՝ տեսանյութում:
