26.09.2026 | 18:42
Հայաստանի շախմատի կանանց հավաքականը ոչ-ոքի ավարտեց հանդիպումը Հունաստանի հավաքականի հետ
Իսպանիայում, կորոնավիրուսի պատճառով, գործազրկությունը ռեկորդային բարձր մակարդակի է հասել․ Deutsche Welle
Քաղաքականություն
05.05.2020 | 22:48
Իսպանիայում գործազրկությունը, կորոնավիրուսի պատճառով, ռեկորդային մակարդակի է հասել։ Վերջին տվյալներով՝ երկրում 5․2 միլիոն մարդ ամբողջությամբ կամ մասամբ կախված է գործազրկության նպաստից։ Այս մասին հայտնում է Deutsche Welle-ն։
Իսպանիայի աշխատանքի նախարարության տվյալներով՝ ապրիլին գործազրկության մակարդակը, մարտի համեմատ, աճել է 7․97%-ով՝ 3․8 միլիոն մարդու առանց աշխատանքի թողնելով։ Այս տարվա ապրիլին Իսպանիան, նախորդ տարվա նույն ամսվա համեմատ, միջին հաշվով, 548․000-ով քիչ աշխատատեղ է ունեցել: Աղբյուրի փոխանցմամբ՝ գործազրկությունից ամենաշատ տուժած շրջանները նրանք են, որոնք մեծապես կախում ունեն զբոսաշրջությունից։ Դրանցից է, օրինակ, Անդալուզիան:
Նշվում է, որ ապրիլին Իսպանիայում գործազրկության նպաստի համար հատկացվող գումարը, նախորդ տարվա նույն ժամանակահատվածի համեմատ, աճել է 207% -ով՝ հասնելով 4․5 միլիարդ եվրոյի և դառնալով երկրի պատմության մեջ գործազրկությանն ուղղված ծառայություններին հատկացված ամենամեծ գումարը։
Հավելենք, որ վերջին տվյալներով, Իսպանիայում կորոնավիրուսի վարակման դեպքերի թիվը 250.561 է, իսկ մահացությունների թիվը՝ 25․613։ Այս ցուցանիշով Իսպանիան կորոնավիրուսից տուժած երկրների ցանկում ԱՄՆ-ից հետո 2-րդ տեղում է։
Նելլի Մելքոնյան
