19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Թուրքիայում հրապարակել են տուրիզմի ոլորտը վերագործարկելու ճանապարհային քարտեզը
Քաղաքականություն
05.05.2020 | 22:18
Թուրքիայում վերջին օրերին կորոնավիրուսի նվազման դինամիկայի ֆոնին մի շարք ոլորտների գործունեությունը աստիճանաբար բնականոն հուն վերադարձնելու որոշումներ են կայացվում։ Դրանց թվում է զբոսաշրջությունը, որը Թուրքիայում բավականին զարգացած է և մեծ եկամուտներ է ապահովում երկրին. գրում է ermenihaber-ը:
Թուրքիայի տուրիզմի և մշակույթի նախարարության գլխավորությամբ կազմված գործողությունների պլանը մի շարք կարգավորումներ է նախատեսում, որոնք թույլ են տալու վերաբացել տուրիզմի ոլորտը։ Նշվում է, որ նոր կարգավորումներով հյուրանոցներն ու զբոսաշրջային տրանսպորտը պետք է հավաստագրեր ստանան։
Հյուրանցներն այսուհետ անորոշ ժամանակով աշխատելու են 60 տոկոս բեռնվածությամբ։ Հյուրանոց մտնելիս զբոսաշրջիկները պետք է դիմակներ կրեն, չլինելու դեպքում հյուրանոցի ընդունարանը կտրամադրի։ Հյուրանոց մտնող բոլոր այցելուների ջերմությունը պետք է ստուգվի միջանցքներում սոցիալական հեռավորությունը պահելու համար հատուկ նշումներ պետք է արվի, պատերից ախտահանիչներ տեղադրվի և այլն։
Այցելուների դուրս գալուց հետո ախտահանվելու են բոլոր սենյակյանկները ու հաջորդ այցելուին տրամադրվելու են միայն 12 ժամ անց։ Իսկ բոլոր աշխատողները ունենալու են անձնական պաշտպանիչ միջոցներ։
Բոլոր այս միջոցներ ձեռնարկելու համար նախապես որպես նախապատրաստական ժամանակահատված է ընտրված մայիս ամիսը՝ հաշվի առնելով այն, որ Թուրքիայի ազգային ավիափոխադրող ընկերությունը նախատեսում է հունիս ամսից սկսած աստիճանաբար բացել արտերկրյա չվերթները։
