08.08.2026 | 12:34
Փաշինյանն ու Ալիևը հեռախոսազրույց են ունեցել
Հայաստանում բուհերը կուսակցականացված են. ի՞նչ խնդիր է լուծում իշխանությունը
Հասարակություն
13.11.2017 | 20:17
Մինչ ուսանողներն արդեն հիգներորդ օրն է դասադուլ են անցկացնում՝ պահանջելով պահպանել տարկետման իրավունքի տրամադրման գործող կարգն, այսօր «Հոդված 3» ակումբում «ԿՐԹԱԿԱՆ ՃԳՆԱԺԱՄ. Բուհական ազատության ու քաղաքականացվածության խնդիրները» թեմայով կազմակերպված քննարկմանը բանախոսները բարձրաձայնում էին կրթության ոլորտում առկա խնդիրների ու մարտահրավերների մասին:
«Բաց հասարակության հիմնադրամներ. Հայաստան» -ի տնօրեն Լարիսա Մինասյանը ընդգծեց, որ բուհերը կուսակցականացված չպետք է լինեն, սակայն Հայաստանում կուսակցականացված են և գտնվում են իշխանության բացարձակ վերահսկողության տակ:
Լարիսա Մինասյանը կրթության ոլորտում այլ խնդիրներ ևս մատնանշեց, մասնավորապես՝ անդրադարձավ ակադեմիական ազատությանը: Նրա կարծիքով՝ դա միակ պայմանն է, որի առկայության դեպքում կարելի է խոսել կրթության և գիտության մասին, սակայն այդ երաշխիքները Հայաստանում չկան:
Երևանի պետական համալսարանի դասախոս Սամվել Կարաբեկյանն էլ նշեց. Հայաաստանում ոչ քաղաքականություն կա, ոչ քաղաքականացված բուհ:
Համալսարանի դասախոսներից Արայիկ Հարությունյանը, որը նաև Երևանի ավագանու «Ելք» խմբակցության անդամ է, կողմ է բուհերի կուսակցականացված լինելուն:
ԵՊՀ դասախոս, կրթության փորձագետ Սերոբ Խաչատրյանի համար թեև անընդունելի է, որ համալսարանում դասադուլավորների առջև դռներ փակեցին այս օրերին, սակայն սեփական օրինակով փաստեց՝ ազատ արտահայտվողներ քիչ, բայց կան համալսարանում:
Ակադեմիական ազատության աստիճանը բոլոր բուհերում գրեթե զրոյի է հավասար: Գործընկերներին շարունակեց ԵՊՀ դասախոս Սամվել Կարաբեկյանը, որը չհամաձայնեց հնչած տեսակետներին, թե դասախոսներն ազատ արտահայտվելու հնարավորություն ունեն:
Գործընկերներին հակադարձեց ԵՊՀ գիտական քարտուղար Մենուա Սողոմոնյանը, որը թեև ընդունեց՝ բուհերում կան որոշակի սահմանափակումներ, սակայն չհամաձայնեց, որ ակադեմիական ազատությունը զրոյական մակարդակում է գտնվում:
«Բաց հասարակության հիմնադրամներ. Հայաստան» -ի տնօրեն Լարիսա Մինասյանը քննադատաբար արտահայտվեց նաև Պաշտպանության նախարարության ներկայացրած Ազգ-բանակ հայեցկարգի մասին: Ըստ բանախոսի՝ դրանով սոցիալական անջրպետը, կրթության հասանելիության հնարավորություններն ավելի են խորանում:
