Տնտեսություն
05.05.2020 | 16:08Ազգային ժողովում այսօր քննարկվում է ՀՀ քաղաքացիական օրենսգրքում փոփոխություններ կատարելու մասին օրենքի նախագիծը, որը, ըստ էկոնոմիկայի նախարարի տեղակալ Նաիրա Մարգարյանի, լիզինգի դաշտի կարգավորման առաջին քայլն է։
«Իմ քայլը» խմբակցության պատգամավոր Արսեն Ջուլֆալակյանը հարց ուղղեց փոխնախարարին՝ կարո՞ղ ենք ասել, որ այս քայլերը լուրջ խթան են և մեծամասամբ կայացած կլինի լիզինգի շուկան։
Նաիրա Մարգարյանը նշեց, որ իրապես առաջարկվող նախագիծը բավական լուրջ քայլ է՝ լիզինգի զարգացմանն ուղղված:
«Այժմ քանի որ այս խնդիրները կարգավորված չեն, շատ հաճախ ֆինանսական կազմակերպությունները և բանկերը նախընտրում են վարձակալությամբ տրամադրել հիմնական միջոցները, ինչը շատ դեպքերում ավելի քիչ ձեռնտու է բիզնեսներին։ Մյուս կողմից՝ չի զարգանում լիզինգային շուկան։ Այո՛, սրանք շատ կարևորագույն խնդիրներ են, որոնք մինչ այժմ կարգավորված չեն եղել։ Երբ ֆինանսական հատվածի հետ քննարկում ենք, իրենց գնահատականով՝ սա թույլ կտա մոտակա տարում կրկնապատկել իրենց լիզինգային գործարքները և նվազեցնել արժեքը»,- ասաց փոխնախարարը։
Մանրամասները՝ տեսանյութում։
