Մետաղական հանքարդյունաբերությամբ զբաղվողները պետք է հարկը վճարեն, իմպերատիվ պահանջ լինի․Սերգեյ Բագրատյան. ՏԵՍԱՆՅՈՒԹ

Ազգային ժողովում առաջին ընթերցմամբ քննարկվում է «Ընկերությունների կողմից վճարվող բնապահպանական հարկերի նպատակային օգտագործման մասին» օրինագիծը:

«Բարգավաճ Հայաստան» խմբակցության պատգամավոր Սերգեյ Բագրատյանը հետաքրքրվեց՝ եթե նախագծով սահմանվում է, որ մետաղական հանքարդյունաբերությամբ զբաղվող ընկերությունները պետք է վճարեն այդ հարկերը, ինչո՞ւ է Կառավարությանը նորից վերապահվում դրանց քանակն ընդլայնել:

Տարածքային կառավարման և ենթակառուցվածքների նախարարի տեղակալ Լիլյա Շուշանյանն արձագանքեց. «Մենք ի լրումն մետաղական հանքարդյունաբերող ընկերություններին ենք տալիս իրավասություն՝ Կառավարության համար սահմանելու այդ ցանկը։ Այսինքն՝ մենք չենք սահմանափակվում միայն մետաղականով, քանի որ այսօր օրենքում էլ գրված են ընկերություններ, անուններ, որոնք միայն մետաղական հանքաքար արդյունահանող ընկերություններ չեն։ Հակառակ հարցը տամ, ինչո՞ւ ենք սահմանափակվում միայն մետաղականով, որովհետև բնապահպանական հարկ վճարում են ոչ միայն մետաղական, այլ ընդհանրապես հանքարդյունահանողները, այլ ընկերություններ նույնպես»։

«Պետք է նշել մետաղական հանքարդյունաբերությամբ զբաղվող բոլոր սուբյեկտները, դրանից հետո, խնդրեմ, թող Կառավարությունը սահմանի, թե էլ որ ընկերությունները։ Բայց պետք է լինի հստակ, որ աներկբա, առանց Կառավարության ցուցակ հրապարակելու, ով զբաղվում է մետաղական հանքարդյունաբերությամբ, պետք է բնապահպանական վճարը վճարի, սա պետք է լինի իմպերատիվ պահանջ»,- նշեց Բագրատյանը։

Մանրամասները՝ տեսանյութում։