08.11.2024 | 23:14
Վթար Աշտարակի խճուղում․ կա տուժած
Միխայիլ Միշուստինը շարունակում է աշխատել հիվանդանոցից
Քաղաքականություն
03.05.2020 | 19:44
Կորոնավիրուսով վարակված ՌԴ վարչապետ Միխայիլ Միշուստինի առողջական վիճակը, ընդհանուր առմամբ, նորմալ է։ Այս մասին հաղորդում է Ինտերֆաքսը՝ վկայակոչելով ՌԴ վարչապետի մամուլի խոսնակ Բորիս Բելյակովին։
«Միխայիլ Վլադիմիրովիչը մնում է մասնագետների հսկողության տակ, շարունակում է բուժումը: Նա իրեն նորմալ է զգում»,- ասել է Բելյակովը։
Նա հավելել է, որ Միշուստինը շարունակում է աշխատել, բուժհաստատությունից հեռախոսով ակտիվ կապ է պահում գործընկերների հետ:
Հիշեցնենք՝ Ռուսաստանի վարչապետի մոտ կորոնավիրուս հայտնաբերվել էր ապրիլի 30-ին։ Միշուստինը ՌԴ նախագահ Վլադիմիր Պուտինին առաջարկել էր, որ իր պարտականությունները ժամանակավորապես կատարի առաջին փոխվարչապետ Անդրեյ Բելոուսովը։ Հենց նույն օրը Պուտինը ստորագրել էր համապատասխան հրամանը։
Նելլի Մելքոնյան
