26.09.2026 | 20:38
Քաղաքացին ընկել է ջրհորը. նա հոսպիտալացվել է
Մերկելն ու Մակրոնը աջակցում են կորոնավիրուսի պատվաստանյութ ստեղծելու դրամահավաքին
Քաղաքականություն
02.05.2020 | 22:03
Եվրահանձնաժողովը կոչ է արել 7.5 միլիարդ եվրո հավաքել՝ կորոնավիրուսի դեմ պատվաստանյութ ստեղծելու նպատակով։ Գերմանիայի, Ֆրանսիայի, Իտալիայի և Նորվեգիայի առաջնորդները պատրաստ են աջակցել այս նախաձեռնությանը: Այս մասին գրում է DW-ի ռուսական ծառայությունը:
«Մենք հայտարարում ենք այս հարցում մեր պարտավորությունների մասին, և ուրախ ենք, որ բոլոր գործնկերներն աջակցում են մեզ»,- համատեղ նամակում գրել են եվրոպական չորս երկրների ղեկավարները։
«Միջոցների նման մոբիլիզացիան թույլ կտա սկսել գլոբալ աննախադեպ համագործակցություն գիտնականների, կառավարությունների, արդյունաբերողների, միջազգային կազմակերպությունների, հիմնադրամների ու առողջապահական համակարգի ներկայացուցիչների միջև»,- նամակում նշել են կանցլեր Անգելա Մերկելը, Ֆրանսիայի նախագահ Էմանուել Մակրոնը, Իտալիայի ու Նորվեգիայի վարչապետեր Ջուզեպպե Կոնտեն ու Էրնա Սուլբերգը։
Նրանց հաղորդագրությանը միացել են նաև ԵՄ խորհրդի նախագահ Շառլ Միշելն ու Եվրահանձնաժողովի նախագահ Ուրսուլա ֆոն դեր Լայենը։
Մայիսի 4-ին Եվրահանձնաժողովը հրավիրել է միջազգային դոնոր-համաժողով՝ հավաքագրելու 7.5 միլիարդ եվրո։ Գումարը կօգտագործվի կորոնավիրուսի ախտորոշման, կանխարգելման ու բուժման համար։ Նախաձեռնության հիմնական նպատակը պատվաստանյութի ստեղծումն է։
