10.09.2026 | 14:02
Գագիկ Խաչատրյանին դարձյալ պատգարակով դատարան էին բերել․ ՏԵՍԱՆՅՈՒԹ
Երկրի պաշտպանության համար շահարկվում են սոցիալապես անապահով խավի շահերը. Լարիսա Մինասյան
Հասարակություն
13.11.2017 | 13:48
«Բուհերը քաղաքականացված չեն, որովհետև քաղաքականությունը լրիվ այլ բան է: Բուհերը պետք է լինեն քաղաքականացված, որովհետև բուհերում պետք է քննարկվի հանրային քաղաքականությունը: Քաղաքականությունը՝ տնտեսության, քաղաքականությունը՝ իրավունքի, քաղաքականությունը՝ կրթության, քաղաքականությունը՝ արդարության, որովհետև քաղաքականությունն իրականացվում է արդարության միջոցով»,- այս մասին այսօր «Հոդված 3» ակումբում հրավիրված «Բուհական ազատության ու քաղաքականացվածության խնդիրները» թեմայով հանրային քննարկման ընթացքում ասաց «Բաց հասարակության հիմնադրամներ. Հայաստան» -ի տնօրեն Լարիսա Մինասյանը:
Բանախոսը պնդեց՝բուհերը չպետք է լինեն կուսակցականացված, սակայն կուսակցականացված են՝ լինելով իշխանության վերահսկողության ներքո: «Ես համաձայն չեմ, որ մենք ակադեմիական ազատությունը հավասարեցնում ենք խոսքի ազատության և ինչ-որ վարկանիշային էլեմենտրների հետ: Ակադեմիական ազատությունը դա միակ, առաջին և փոխարինելի պայմանն է, որի պարագայում պետք է խոսել գիտության կամ կրթության մասին» ,- ասաց Լարիսա Մինասյանը՝ ընդգծելով, որ Հայաստանում ակադեմիական ազատությունը, գտնվելով վերահսկողության ներքո, վտանգված է:
Անդրադառնալով «Ազգ-բանակ» հայեցակարգին՝ Լարիսա Մինասյանը նշեց, որ այն սոցիալական անարդարության խթան է հանդիսանալու. «Այս օրենքով սոցիալական անջրպետը, կրթության հասանելիության հնարավորություններն ավելի ենք խորացնում: Երբ առաջարկում եք ծառայել ավելի երկար, ավելի վտանգավոր պայմաններում և դրա դիմաց առաջարկում եք գումար, սոցիալական այսպիսի անհավասարության դեպքում, ինչպիսին Հայաստանում է, և կրթության սոցիալական անհավասարության դեպքում, ապա էլ ավելի խախտում և շահարկում եք քիչ հասանելիություն ունեցող աղքատ խավի հնարավարությունները: Անգամ Ամերիկայում, որը սոցիալական երկիր չէ, նման պրոպագանդա անելն արգելված է»,- շարունակեց բանախոսը:
Նրա դիտարկմամբ՝ երկրի պաշտպանության համար շահարկվում են սոցիալապես անապահով խավի շահերը: «Սեյրան Օհանյանը փաստեց մի բան՝ Հայաստանում բարձրագույն կրթությունը թանկ հաճույք է: Այս պարագայում, երբ կա սոցիալական անհավասարություն, և կրթության և խավերի մեջ, ո՞վ է գնում բարձրագույն կրթություն ստանալու՝ հարուստները: Հիմա հարուստներին, որոնք հասել են համալսարան, առաջարկում են նաև դառնալ սպա: Խոսքս նրանց մասին չէ, որոնք, աղքատ կամ հարուստ, իսկապես ուզեցել են դառնալ զինվորական: Ի՞նչ է ստացվում, որ մենք դասակարգային հասարակություն ենք խթանում սոցիալական և ժողովրդավարական հասարակության մեջ»,- եզրափակեց Լարիսա Մինասյանը:
