01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Մալթան սկսում է վերացնել կորոնավիրուսի պատճառով կիրառվող սահմանափակումները
Քաղաքականություն
01.05.2020 | 21:27
Մալթայի վարչապետ Ռոբերտ Աբելան հայտնել է, որ մայիսի 4-ին երկրի իշխանություններն աստիճանաբար կսկեն վերացնել սահմանափակումները, որոնք կիրառվել են կորոնավիրուսի տարածումը կանխելու նպատակով: «Արմենպրես»-ի փոխանցմամբ՝ այս մասին հայտնում է «ՌԻԱ Նովոստի»-ն՝ հղում անելով «Times of Malta»-ին:
«Մենք չենք կարող բոլոր միջոցառումները միանգամից վերացնել, միայն աստիճանաբար»,- ասել է վարչապետը:
Երկուշաբթի օրը երկրում կբացվեն որոշ խանութներ, նախատեսվում է, որ ամսվա վերջին աշխատանքի կվերադառնան նաև մյուսները: Բացի այդ, մայիսի 4-ից հնարավոր կլինի 4-հոգանոց հավաքներ անցկացնել: Խանութներում և հանրային տրանսպորտում մարդիկ պետք է կրեն պաշտպանիչ դիմակներ և պահպանեն 2 մետր հեռավորություն: Վարսավիրանոցները, ռեստորանները և սրճարանները չեն բացվի դեռ նվազագույնը 3 շաբաթ, օդանավակայանը նույնպես մնում է փակ:
Մալթայում հաստատված դեպքերի թիվն ընդհանուր 467 է, մահացել է 4 մարդ, առողջացել 367-ը:
