18.10.2026 | 11:20
Կոտայքի մարզի Առինջ բնակավայրում գործարկվելու են էլեկտրաշչակներ
Չինաստանն ԱՀԿ-ին թույլ չի տվել մասնակցել կորոնավիրուսի ծագման հետաքննությանը
Քաղաքականություն
01.05.2020 | 16:43
Չինաստանը մերժել է SARS-COV-2 կորոնավիրուսի ծագման հետաքննությանը մասնակցելու՝ Առողջապահության համաշխարհային կազմակերպության (ԱՀԿ) խնդրանքը: «Իզվեստիա»-ի փոխանցմամբ՝ այս մասին հայտարարել է Չինաստանում ԱՀԿ ներկայացուցիչ Գոդեն Գալեան:
Sky News-ի եթերում Գալեան ասել է, որ կազմակերպությունը հետաքննությանը մասնակցելու հարցում է արել՝ նպատակ ունենալով հասկանալ նոր տիպի կորոնավիրուսի առաջացման հանգամանքները և թույլ չտալ նոր համաճարակ: Նրա խոսքով՝ ԱՀԿ-ն չի կասկածում կորոնավիրուսի բնական ծագման հարցում, բայց նաև Չինաստանը տվյալներ չի ներկայացնել Ուհանի վիրուսաբանության երկու լաբորատորիաների մասին:
«Լաբորատոր գրառումները պետք է ցանկացած լիարժեք զեկույցի մաս կազմեն: Մենք գիտենք, որ Չինաստանում ազգային հետաքննություն է անցկացվում, բայց այս փուլում մենք չենք հրավիրվել մասնակցելու: ԱՀԿ-ն շարունակում է հարցումներ ուղարկել»,- ասել է Գալեան:
Ավելի վաղ՝ ապրիլի 15-ին, Fox News-ը հաղորդել էր, որ կորոնավիրուսը տարածվել է Ուհանի լաբորատորիայից:
Չինաստանը կտրականապես հերքել է մեղադրանքները: Միաժամանակ, ամերիկյան գիտնականներն էլ հերքել են վիրուսի արհեստական ծագման վերաբերյալ ենթադրությունները:
