18.10.2026 | 11:20
Կոտայքի մարզի Առինջ բնակավայրում գործարկվելու են էլեկտրաշչակներ
Թրամփը հայտարարել է, թե կորոնավիրուսի՝ Ուհանի լաբորատորիայում առաջանալու մասին ապացույց ունի
Քաղաքականություն
01.05.2020 | 16:13
ԱՄՆ նախագահ Դոնալդ Թրամփը հայտարարել է, թե տեղեկությունը ունի, որն ապացուցում է, որ կորոնավիրուսի համաճարակի աղբյուրը կարող էր չինական գիտական լաբորատորիաներից մեկը լինել: Այս մասին գրում է DW-ի ռուսական ծառայությունը:
Նա նշել է, որ խոսքն Ուհանի վիրուսաբանության ինստիտուտի մասին է՝ հավելելով, որ ավելի մանրամասն պարզաբանում չի կարող տալ:
ԱՄՆ նախագահը, միաժամանակ, քննադատել է Չինաստանի իշխանություններին՝ երկրում վիրուսի տարածումը չկանխելու համար: «Նրանք կա՛մ ի վիճակի չէին դա անել, կա՛մ որոշել են չանել, իսկ աշխարհը լրջորեն տուժեց»,- հայտարարել է նա:
Նշենք, որ ավելի վաղ ԱՄՆ Ազգային հետախուզությունը հայտարարել էր, թե համաձայն են գիտնականների հետ և կարծում են, որ նոր կորոնավիրուսը «չի ստեղծվել մարդու կողմից կամ գենետիկորեն մոդիֆիկացվել»:
Դոնալդ Թրամփն ասել է, որ չի կարդացել հայտարարությունը՝ հավելելով, որ վիրուսի ծագման վերաբերյալ բազմաթիվ տեսություններ կան: Իսկ Չինաստանին ԱՄՆ նախագահը սպառնացել է տուգանային մաքսատուրքերով:
