17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Թուրքական հյուրանոցներում հանրահայտ «all-inclusive»-ն այլևս չի լինի, ծովափնյա հանգիստը կթանկանա․ Hürriyet
Քաղաքականություն
27.04.2020 | 22:12
Կորոնավիրուսային պանդեմիայի պատճառով Թուրքիայում զբոսաշրջային սեզոնի բացումը կարող է հետաձգվել մինչև մայիս։ Այս մասին հայտնում է թուրքական Hürriyet պարբերականը։
Թուրքիայի զբոսաշրջության նախարար Մեհմեթ Նուրի Էրսոյը նշել է․ «Եթե նոր խնդիրների չբախվենք, ներգնա զբոսաշրջային սեզոնը մայիսի վերջից կբացվի՝ վերահսկվող ներքին չվերթներով»։
Նրա խոսքով՝ զբոսաշրջության ոլորտի անձնակազմը, բուժզննում անցնելուց հետո, համաճարակաբանական դասընթացներ կանցնի։ «Զբոսաշրջային տրանսպորտը պարբերաբար կախտահանվի։ Թուրքիայում օդանավակայանները, հյուրանոցները, թանգարանները և ռեստորանները կվերափոխվեն այնպես, որ մարդիկ կարողանան պահպանել սոցիալական հեռավորությունը։ Զբոսաշրջային բոլոր հաստատությունների մոտ ջերմաչափող սարքեր կտեղադրվեն»,- ասել է նա։
Թուրքիայի զբոսաշրջության նախարարը նշել է, որ երկրում հանգիստն այսուհետ ավելի թանկ կարող է արժենալ։
«Գները կարող են բարձրանալ։ Նոր ծրագրեր ենք մշակում»,- ասել է նա։
Նախարարը նաև հայտարարել է, որ խոշոր հյուրանոցներում ամեն ինչ ներառող՝ all-inclusive փաթեթներն ու «շվեդական» սեղաններն այլևս չեն լինի։
Հավելենք, որ վերջին տվյալներով Թուրքիայում կորոնավիրուսի վարակակիրների թիվը հասել է 112․261-ի, իսկ մահվան ելքերինը՝ 2900-ի։
